ఒంటరిగా ఉండమని జ్ఞాపకాలు శాసిస్తున్నవేళ!
నీ పలకరింపు నా హృదయవీణను మీటింది
మూగపోయిన నా మనసును తట్టిలేపింది!!
నీ స్పర్శ అంతరించిన ఆత్మీయతను వెలికితీసింది
తెలియని అనుభూతి నన్ను అలలా తాకింది!!
నీ చేయూత నాలో ఆశలను రేపింది
కలలాంటి జీవితాన్ని వాస్తవానికి దరిచేసింది!!
నీ తోడు నాకున్నది అన్న భావనే ఎంతోబాగుంది
నా కవితలకి అదే ప్రేరణగా నిలచింది!!
అలా మొదలైంది నా కవితాఝరి ఆవేళ
ఇలా సాగిపోతుంటే నా చెంతనలేవు నీవు ఈవేళ!
0 comments:
Post a Comment